Halmashauri ya Wilaya ya Kyerwa kupitia idara ya Maendeleo ya Jamii na Vijana imekuwa ikitoa huduma mbalimbali katika jamii ikiwa ni pamoja na kuwajengea uwezo wanawake na vijana kwa kutoa mikopo ya riba nafuu (7%), pia kupitia programu ya kudhibiti UKIMWI, makundi maalumu kama vile watu wanaoishi na VVU na UKIMWI, wenye ulemavu, wajane, vijana, wazee na watoto wanaoishi katika mazingira magumu wamekuwa wakipatiwa huduma kwa namna mbalimbali.
