Elimu Sekondari

Utoaji wa huduma ya elimu katika Wilaya ya Kyerwa uazingatia sheria,sera,na miongozo mbalimbali kama vile sera ya Elimu na mafunzo ya mwaka 1996,Sheria ya Elimu Na.25 ya mwaka 1978 na marekebisho ya sheria Na.10 ya mwaka 1995.Wilaya inatambua kuwa watu wenye elimu ni muhimu kwa maendeleo ya Taifa letu na haki ya kupata elimu inatambulika kisheria katika katiba yetu.

Wilaya ina jumla ya shule za sekondari 27 ambapo kati ya shule hizo,shule zinazomilikiwa na serikali zipo 21,za watu binafsi ni 4,na za madhehebu ya dini ni 2.Wilaya ina shule moja tu ya kidato cha tano na sita inayoitwa Shule ya sekondari Kaisho inayomilikiwa na dhehebu la dini.

Katika sekta ya Elimu sekondari,Wilaya imefanikiwa kutimiza yafuatayo:-

1. Udahiri wa wanafunzi kidato cha  kwanza umeongezeka kutoka asilimia 55.37 mwaka 2014 hadi kufikia asilimia 67.5 mwaka 2015.
2. Vyumba vya madarasa vimeongezeka kutoka 190 mwaka 2014 hadi 207 mwaka 2015,lengo ni kuwa na vyumba vya madarasa 336,ongezeko hili ni asilimia 61.6.Wilaya inazo jumla ya hosteli 9 mpaka sasa ambazo zinamilikiwa na serikali.
3. Idadi ya walimu imeongezeka kutoka 193 mwaka 2014 hadi 363 mwaka 2015 sawa na ongezeko la asilimia 53.2.
4. Idadi ya wanafunzi wa kidato cha kwanza hadi cha sita imeongezeka kutoka kutoka 7,018 mwaka 2014 hadi 7,078 mwaka 2015
5. Kiwango cha ufaulu kwa kidato cha nne kimeongezeka kutoka asilimia 43 mwaka 2013 hadi asilimia 58 mwaka  2014.Aidha ufaulu wa kidato cha sita umeongezeka kutoka asilimia 68 mwaka 2013 hadi asilimia 72 mwaka 2014.
6. Idadi ya nyumba za walimu imeongezeka kutoka 48 mwaka 2013/14 hadi nyumba 52 kwa mwaka 2015 sawana asilimia 92.31.Idadi ya madarasa imeongezeka kutoka madarasa 190 mwaka 2013/14 hadi kufikia madarasa 207 mwaka 2014/2015 sawa na asilimia 91.79.Majengo ya utawala yapo 12 ambayo ni sawa na asilimia 44.44 na mahitaji,mahitaji ni kuwa na majengo 27 kwa shule zote za serikali na binafsi.